Լիլիթ Հարությունյան, Sputnik.
Հարվարդի ուսանող, չինացի Մայքլ Հեն արդեն մի տարուց ավելի է՝ YouTube-ում և ֆեյսբույան իր էջում տարբեր տեսահոլովակներ է տեղադրում Հայաստանի մասին։ Նա նույնիսկ Հայաստանի առանձին քաղաքներին նվիրված շարք ունի։ Ինքն իր մասին Մաքլը գրում է՝ «Armenia Enthusiast and occasional TV Actor!»։
Մայքլի գրառումները համացանցում մեծ պահանջարկ ունեն, հատկապես հայ օգտատերերի շրջանում, և դա պատահական չէ՝ գունեղ ռեպորտաժները ուղեկցվում են հետաքրքիր տեղեկություններով և հեղիկանի մեկնաբանություններով։ Պետք է խոստովանել, որ ոչ բոլոր հայերը գիտեն իրենց հայրենիքն այնպես, ինչպես այն ուսումնասիրել է չինացի երիտասարդը։
Sputnik Արմենիայի թղթակցի հետ զրույցում Մայքլը պատմեց, որ Հայաստանի մասին իմացել է իր հայ ընկերոջից՝ դեռ առաջին կուրսում։
«Հիմա ես ավարտական կուրսում եմ սովորում, Հարվարդի համալսարանում տնտեսագիտություն եմ ուսումնասիրում։ Հայաստանի մասին իմացա ընկերոջիցս։ Այն բաից հետո, որբ Քարդաշյան քույրերը եկան Հայաստան, ես հայտնաբերեցի, որ համալսարանում ստաժավորման ծրագիր է գործում, որի միջոցով կարելի է երկու ամիս աշխատել Հայաստանում»,- ասաց Մայքլը։
Հետո, չինացու խոսքով, նա մեծ քանակությամբ հոդվածներ կարդաց, բազմաթիվ նկարներ նայեց և որոշեց մեկնել հինավուրց երկիր։
«Բոլոր հայերը, որոնց ես հանդիպում էի, շատ բարի ու սիրալիր էին։ Նրանց շնորհիվ Հայաստանում գտնվելը ինձ համար շատ հարմարավետ էր ու հաճելի»,- նշում է Հարվարդի ուսանողը։
Հետաքրքիր է, որ նրա Հայաստան ճանապարհորդության մասին պատմությամբ սոցցանցում կիսվել է ամերիկյան հեռուստաաստղ Քլոե Քարդայշյանը, ֆեյսբուքյան իր էջում գրելով՝ «Իմ սիրելի երկրպագու Մայքլը կիսվեց ինձ հետ Հայաստանով իր հիանալի ճանապարհորդության պատմությամբ»։
Հարվարդի ուսանողը ոչ միայն տուրիստական հոլովակներ է նկարահանում ու պատմում Հայաստանի տեսարժան վայրերի մասին, աայլ նաև ակտիվորեն տեղեկություններ է տարածում 1915 թվականի Հայոց ցեղասպանության մասին։
«Մինչ Հայաստան գալս ես որինչ չէի լսել Օսմանյան կայսրությունում Հայոց ցեղասպանության մասին։ Ես չափազանց զարմացած էի, որ այդքան մարդկանց դաժան սպանությունների մասին քիչ մարդ գիտի, հատկապես, եթե համեմատենք, թե քանիսն են տեղյակ Հոլոքոստի մասին»,- ասում է Մայքլը։
Նա հատուկ ուշադրություն է դարձնում մարդկության դեմ ոճրագործություններին։ Դրանց թվում է Նանկինի կոտորածը․ երբ ճապոնական քինվորները հարյուր հազարավոր չինացի են սպանել Նանկին քաղաքում։
Մայքլը կարծում է, որ պետք է հիշել այդպիսի իրադարձությունների մասին և «մեր պարտականությունն է՝ որպես աշխարհի քաղաքացի, քննարկել այնպիսի իրադարձություններն, ինչպիսին են Հայոց ցեղասպանությունն ու Նանկինի կոտորածը»։
