ԵՐԵՎԱՆ, 7 ապրիլի — Sputnik. Քիչ առաջ Ստոկհոլմում բեռնատարը մխրճվել է մարդկանց բազմության մեջ, կան տուժածներ։ Sputnik Արմենիայի աղբյուրը Ստոկհոլմից հայտնում է, որ գործի են անցել իրավապահ մարմինների ներկայացուցիչները։
«Մետրոն փակ է, կենտրոնական հատվածի փողոցները նույնպես փակ են, դեպքի վայրում մի քանի տասնյակ ոստիկաններ են հավաքվել։ Ուղղաթիռներ են պտտվում։ Քիչ առաջ մեզ հայտնեցին, որ կրակոցներ են հնչել նաև քաղաքի կենտրոնական հատվածներից մեկում` Мedborgarplatsen-ում»,- ասաց աղբյուրը։
Նշենք, որ ոստիկանությանն առայժմ հայտնում է 2 զոհի մասին, սակայն որոշ լրատվամիջոցներ հայտնում են, որ երեք մարդ է մահացել։
