Նախարարները կատարած աշխատանքները կներկայացնեն վարչապետին

Առաջիկա շաբաթվա ընթացքում ՀՀ կառավարության անդամները վարչապետին և հանրությանը հաշվետվություն կներկայացնեն միջնաժամկետ ծրագրերի իրականացման վերաբերյալ։ Նման հանձնարարական այսօր կառավարության անդամներին տվեց վարչապետ Կարեն Կարապետյանը՝ հիմք ընդունելով միջնաժամկետ ծրագրերի իրականացման համար նախանշված ժամկետների ավարտը։

Կարեն Կարապետյանը ՀՀ կառավարության աշխատակազմի ղեկավար- նախարար Դավիթ Հարությունյանին հանձնարարեց նախապատրաստել հաշվետվությունների ներկայացման ժամանակացույց և հայտարարեց, որ առաջինը կատարված գործը կներկայացնի Գյուղատնտեսության նախարարությունը: