ԵՐԵՎԱՆ, 5 ապրիլի — Sputnik. RT հեռուստաընկերության և Sputnik-ի գլխավոր խմբագիր Մարգարիտա Սիմոնյանն անդրադարձել է ԱՄՆ սենատում ցուցադրված լուսանկարին, որում պատկերված են ինքն ու երկրի նախագահ Վլադիմիր Պուտինը։
«Շեֆ, ամեն ինչ կորած է։ Ամենուրեք RT-ն է։ Անգամ ես ավելի քիչ եմ մտահոգվում RT-ի ու Sputnik-ի համար, քան ամերիկյան սենատորները»,- ասել է Սիմոնյանը։
Նշենք, որ ԱՄՆ սենատոր Ջին Շահինը լսումների ժամանակ ցուցադրել էր Մարգարիտա Սիմոնյանի և Վլադիմիր Պուտինի լուսանկարը` վստահեցնելով, որ լուսանկարը վերցվել է ԱՄՆ հետախուզության գաղտնազերծված զեկույցից, այն դեպքում, որ այդ լուսանկարն արվել է RT-ի 10-ամյակին նվիրված միջոցառման ժամանակ և բաց հասանելիություն ունի։ ՌԴ ԱԳՆ ներկայացուցիչ Մարիա Զախարովան նույնպես մեկնաբանել է սենատորի քայլը` ասելով. «Առաջին անգամ չէ, որ Շահինը հիմարություններ է ասում»։
