ԵՐԵՎԱՆ, 4 ապրիլի — Sputnik. Հայտնի ծովանկարիչ Հովհաննես Այվազովսկու «Հնչեղ կտավները» Կրեմլի պետական պալատում ներկայացրեց լեգենդար դուդուկահար Ջիվան Գասպարյանը, գրում է Կուլտուրա ТV-ն։
Բացառիկ նախագիծը, որտեղ երաժշտությունն ու նկարչությունը միաձուլվեցին միևնույն հարկի տակ, շարունակվեց համերգով, որին հայտնի ծովանկարչի կտավները ներկայացվեցին «դուդուկի, երգեհոնի և սաքսոֆոնի» հնչյունների ներքո։
Կազմակերպիչների խոսքով` հենց Վիվալդիի, Շուբերտի, Ռախմանինովի ստեղծագործությունները, ինչպես նաև հայկական ժողովրդական երաժշտությունը կտավներին համահունչ եղան։ Հայտնի «Իններորդ ալիք» ու էլի երկու կտավ… Այդ գլուխգործոցները Լիլիա Չիստինան հանդիսատեսի առջև վերարտադրեց ավազի վրա։ Այվազովսկու կտավները վերակենդանացան ոչ միայն հայկական հին երաժշտության հնչյունների ներքո, այլև համաշխարհային դասական երաժշտության։
Դասական երաժշտության կատարման հարցում դուդուկին օգնեցին սաքսոֆոն ու երգեհոնը։
Նախագծի կազմակերպչի խոսքով` միայն երգեհոնի հզոր հնչեղությունը ի զորու է փոխանցել Այվազովսկու կտավներում գովերգած տարերային բնության ուժը։ Նկարչությունը երաժշտության ներքո ներկայացնելը վերջին ժամանակների թրենդն է։ Իրականացվել է ավելի քան 20 այդպիսի նախագիծ` Սերովի, Լևիտանի, Գոյայի կտավները։ Առաջիկայում հնչեղություն կստանան նաև Ռենուարի և Շագալի, իմպրեսիոնիստ վարպետների կտավները, ֆլամենկոյի ռիթմերի տակ՝ Դալիի աշխատանքների իսպանական կրքերը։
