Աբգարյանի կարծիքով` ընտրություններն այնքան բաց ու հրապարակային էին, որ այն կուսակցությունները, որոնք ըստ էության պարտվեցին, բողոքարկելու անհրաժեշտություն չտեսան։
«Երեկ 11։00-ին լրացավ բողոքներ ներկայացնելու ժամկետը, բայց որևէ մեկը բողոք չներկայացրեց։ Կարծում եմ` բոլորը պարզապես հասկացան, որ անիմաստ է»,- ասաց Աբգարյանը։
Նա նշեց, որ հետընտրական թանկացումներից տեղյակ չէ, բայց եթե նման բան կա, ապա այդ հարցով պետք է զբաղվի ՏՄՊՊՀ-ն։
«Եթե ինչ-որ չարաշահումներ լինեն, պետք է պատժամիջոցներ կիրառվեն համապատասխան տնտեսվարողների նկատմամբ»,- ասաց նա։
Աբգարյանի խոսքով` այս ընտրությունների գործընթացում ներգրավված էր մոտավորապես 100 հազար մարդ։ Մեծ էր նաև տեղական դիտորդների թիվը` մոտավորապես 28 հազար։
«Այդ հանգամանքը ևս նպաստեց ժողովրդի մեջ ընտրությունների հանդեպ հավատի ձևավորմանը»,- ասաց նա։
