ԵՐԵՎԱՆ, 4 ապրիլի — Sputnik. Տան գազի կաթսայից գազի արտահոսքի հետևանքով այսօր Երևանում շմոլ գազի թունավորումով հիվանդանոց է տեղափոխվել 5 քաղաքացի: ՀՀ ոստիկանությունից Sputnik Արմենիային հայտնեցին, որ տուժածներից 3-ը երեխաներ են՝ 12-ամյա Տաթևիկը, 10-ամյա Արամեն և 4-ամյա Արգիշտին: Թունավորում ստացած մեծահասակներն են 32-ամյա Արփինե Հ-ն և 39-ամյա Սևակ Ա.-ն:
Հարցին, թե արդյոք թունավորվածները նույն ընտանիքի անդամներն են, ոստիկանությունից չպատասխանեցին՝ նշելով, որ հավելյալ տեղեկությունների չեն տիրապետում:
Ապրիլի 4-ին, հիվանդանոցից ոստիկանության Շենգավիթի բաժնում հաղորդում էր ստացվել, որ շմոլ գազի թունավորումով բուժօգնության են տեղափոխվել վերոհիշյալ անձինք: Կատարվում է հետաքննություն:
