ԵՐԵՎԱՆ, 3 ապրիլի — Sputnik. Հայտնի շանսոնյե Շառլ Ազնավուրը քաղաքականության մասին խոսել չի սիրում. այս մասին նա ասել է Մոսկվայում հրավիրված ասուլիսի ժամանակ։
«Ես երբեք չեմ խոսում քաղաքականության մասին, թեև ես քաղաքական գործիչ ընկերներ շատ ունեմ, բայց ես նրանց հետ խոսում եմ կինոյի, արվեստի մասին»,- ասել է Ազնավուրը` պատասխանելով լրագրողի այն հարցին, թե ինչպես կմեկնաբանեք Հայաստանում անցկացված ԱԺ ընտրությունները։
Այնուհետև հանրահայտ երգիչն ասել է. «Ում էլ ընտրի իմ ժողովուրդը, իմ կողմից ընդունելի է։ Ես չեմ սիրում այն մարդկանց, որոնք գնում են ուրիշ երկիր և քննադատում են իրենց երկրի քաղաքականությունը»։
