ԵՐԵՎԱՆ, 3 ապրիլի — Sputnik. Սանկտ Պետերբուրգի մետրոյի պայթյունի ժամանակ Եկատերինա Սերգեևան «կապույտ» ճյուղի վագոնով «Նևսկի պրոսպեկտ» կայարան էր մեկնում։
Նրա խոսքով` գնացքը մոտավորապես կես ժամով կանգնեցրին, վագոնում գտնվող մարդին չէին հասկանում` ինչ է կատարվում։
«Մեզ ասացին, որ բոլոր ելքերն ու մուտքերն արգելափակվել են։ Որոշ ժամանակ անց մեզ հետ կապ հաստատեց օպերատորը և խնդրեց բացել լուսամուտները, որպեսզի վագոններում օդ խաղա», — նշեց Սերգեևան։
Ըստ նրա` որոշ ժամանակ անց գնացքը շարժվեց, և ուղևորներին հասցրին կայարան։
«Մարդիկ սկսեցին դուրս վազել։ Սարսափելի ծուխ էր, բոլորը փաթաթվել էին շարֆերով։ Հետո ես հայտնվեցի դրսում», — պատմեց ականատեսը։
Պատասխանելով այն հարցին, թե ի՞նչ իրավիճակ է քաղաքում, Սերգեևան նշեց, որ կենտրոնում շրջում են ոստիկանության աշխատակիցները, շտապօգնության և հրշեջ մեքենաները, «մարդիկ տեղաշարժվում են տաքսիներով, բոլորը մտահոգված են»։
