ԵՐԵՎԱՆ, 3 ապրիլի — Sputnik. Մոտ տաս մարդ զոհվել է Սանկտ Պետերբուրգի մետրոյի տարբեր կայարաններում հնչած 2 պայթյունների արդյունքում։ Ինչպես հաղորդում է ՌԻԱ Նովոստին` հղում տալով Արտակարգ իրավիճակներին` զոհերի վերջնական թիվը ճշտվում է։
Sputnik Արմենիայի զանգին ի պատասխան` ՀՀ ԱԳՆ-ից ասացին, որ դեռևս ճշտում են` զոհերի և վիրավորների մեջ ՀՀ քաղաքացիներ կան, թե՞ ոչ։
Անվտանգության և ստուգումների համար` մետրոյի կապույտ գծի որոշ կայարաններ փակ են, հաղորդում է մետրոպոլիտենի լրատվության բաժինը։ Որոշ տվյալներով` գնացքի վագոնում պայթել է ինքաշեն պայթուցիկ սարքը։
Աշխատանքային այցով Սանկտ Պետերբուրգում գտնվող ՌԴ նախագահ Վլադիրմիր Պուտինին տեղեկացրել են կատարվածի մասին, ասել է նախագահի մամուլի քարտուղար Դմիտրի Պեսկովը։
Քննչական խումբն աշխատումէ դեպքի վայրում` պարզելու համար կատարվածի մանրամասները։ Դեպքի վայրում է նաև քաղաքի գլխավոր դատախազ Սերգեյ Լիտվիենկոն։
