ԵՐԵՎԱՆ, 3 ապրիլի — Sputnik. Ապրիլի 2-ին կայացած խորհրդարանական ընտրությունների նախնական պատկերն արդեն տեսանելի է։ ՀՀ ԿԸՀ-ի նախագահ Տիգրան Մուկուչյանը ներկայացրեց պայքարող 9 ուժերի ստացած ձայները և ընտրության նախնական պատկերն, ընդհանրապես։ Նախնական տվյալների համաձայն` ԱԺ կանցնի 4 ուժ` ՀՀԿ, «Ծառուկյան» դաշինք, «Ելք» դաշինք և ՀՅԴ։
ԿԸՀ նախնական տվյալներով` քվեարկելու իրավունք ունեցող 2 մլն 588 հազար 590 քաղաքացիներից ընտրությանը մասնակցել է 1 մլն 577 հազար 323 քաղաքացի կամ քվեարկելու իրավունք ունեցող քաղաքացիների 60,93 տոկոսը:
Քվեաթերթիկներից 6701-ը համարվել է անվավեր։
Ձայներն` ըստ կուսակցությունների և դաշինքների.
«Ելք» կուսակցությունների դաշինք — 122 049 ձայն, 7.77%
«Ազատ դեմոկրատներ» կուսակցություն — 14 746 ձայն, 0.94%,
«Հայկական վերածնունդ» կուսակցություն — 58 277 ձայն, 3.71%,
«Ծառուկյան» կուսակցությունների դաշինք — 428 965 ձայն, 27.32%
«Կոնգրես- ՀԺԿ» կուսակցությունների դաշինք — 25 975 ձայն, 1.65%,
Հայաստանի Հանրապետական կուսակցություն — 771 247 ձայն, 49.12%,
Հայաստանի կոմունիստական կուսակցություն — 11 745 ձայն, 0.75%,
«Օհանյան-Րաֆֆի —Օսկանյան» կուսակցությունների դաշինք — 32 504 ձայն, 2.07%,
«Հայ Յեղափոխական Դաշնակցություն» կուսակցություն — 103 173 ձայն 6.57%,
