ԵՐԵՎԱՆ, 3 ապրիլի — Sputnik. Ապրիլի 3-ին Սանկտ Պետերբուրգի մետրոյում տեղի ունեցած պայթյունների կապակցությամբ Երևանի քաղաքապետ Տարոն Մարգարյանը ցավակցական հեռագիր է հղել Սանկտ Պետերբուրգի նահանգապետ Գեորգի Պոլտավչենկոյին: Այս մասին հայտնում է Երևանի քաղաքապետարանի մամուլի ծառայությունը։
«Երևանի բոլոր բնակիչների և անձամբ իմ անունից ցավակցում եմ Ձեզ և Ռուսաստանի Դաշնության հյուսիսային մայրաքաղաքի բոլոր բնակիչներին՝ Սանկտ Պետերբուրգի մետրոյում տեղի ունեցած պայթյունների հետևանքով մարդկային զոհերի կապակցությամբ: Մեր անկեղծ ցավակցություններն ու զորակցությունը, խնդրեմ, փոխանցեք բոլոր զոհվածների հարազատներին ու մտերիմներին»,- ասված է հեռագրում։
Այսօր` ապրիլի 3-ին, Սանկտ Պետերբուրգի մետրոպոլիտենում պայթյուններ են որոտացել: Նախնական տվյալով` 10 մարդ զոհվել է, ևս 20-ը` տարբեր աստիճանի վնասվածքներ ստացել։
