ԵՐԵՎԱՆ, 3 ապրիլի — Sputnik. «Մանչեսթեր Յունայթեդի» գլխավոր մարզիչ Ժոզե Մոուրինյուն դժգոհ մնացել է իր որոշ խաղացողներից խաղից` «Վեսթ Բրոմվիչի» դեմ խաղում։
«Եթե տիտղոսների ես հավակնում, «ՄՅ»-ում պետք է կանոնավոր խաղացող լինես միշտ։ «Վեսթ Բրոմվիչի» դեմ խաղում 90 րոպե Վալենսիան, Ռոխոն, Բայլին, Յանգը, Ֆելաինին և Կարիկը կանոնավոր էին խաղում, մյուսները` ոչ։ Մխիթարյանի, Մարտիալի, Ռեշֆորդի ու Լինգարդի մոտ տաղանդի պոռթկում էր։
Ակնհայտ էր, թե որքան գոլ նրանք կարող էին խփել։ Պետք է սպանել հակառակորդին նման իրավիճակներում։ Խաղաշրջանի ընթացքում որոշ խաղացողներ 10 րոպեով խաղից անհետանում էին։ Սա հերթական դեժավյուն էր։ Իբրագիմովիչն ու Մատան բոլորից շատ են գոլ խփում։ Եթե չլինեին նրանք, մենք ծանր իրավիճակում կհայտնվեինք», — Մոուրինյուի խոսքերն է մեջբերում AS-ը։
Почему бы и нет? https://t.co/2DF4B6R7z6
— Kazansky Den (@kazanskyden79) 3 апреля 2017 г.
Ընդ որում, մի շարք մեկնաբաններ շփոթմունքի մեջ էին` ինչո՞ւ է Մոուրինյուն կարևորագույն պահին հանում Մխիթարյանին խաղից։
Ապրիլի 1-ին «Մանչեսթեր Յունայթեդն» անգլիական պրեմիեր լիգայի 30-րդ տուրում ոչ ոքի խաղաց «Վեսթ Բրոնվիչի» հետ։ Հանդիպումն անցկացվել էր «Օլդ Թրաֆորդ» մարզադաշտում և ավարտվել 0:0 հաշվով։