ԵՐԵՎԱՆ, 2 ապրիլի — Sputnik. Երևանի ժամանակով ժամը 14:00-ի դրությամբ խորհրդարանական ընտրություններին մասնակցել է ՀՀ ընտրողների 33.46%-ը:
Այս մասին ԿԸՀ-ում լրատվամիջոցների ներկայացուցիչներին հայտնել է ԿԸՀ անդամ Սեյրան Շահսուվարյանը:
Հրապարակված պաշտոնական տվյալների համաձայն, ամենաբարձր մասնակցությունը՝ 37.40%, գրանցվել է թիվ 3 ընտրատարածքում, որն ընդգրկվում է Երևանի Մալաթիա-Սեբաստիա և Շենգավիթ համայնքները: Ամենացածր մասնակցությունն արձանագրվել է Շիրակի մարզն ընդգրկող թիվ 11 ընտրատարածքում: Այստեղ ընտրություններին մասնակցել է ընտրողների 29.70%-ը:
