ԵՐԵՎԱՆ, 2 ապրիլի — Sputnik. Երևանի ժամանակով ժամը 17:00-ի դրությամբ խորհրդարանական ընտրություններին մասնակցել է ՀՀ ընտրողների 50.93%-ը:
ՀՀ ընտրական իրավունք ունեցող 2 587 706 քաղաքացիներից այդ ժամի դրությամբ իրենց քաղաքացիական պարտքը կատարել էին 1 317 936-ը: Լրատվամիջոցների ներկայացուցիչներին հայտնել է ԿԸՀ քարտուղար Արմեն Սմբատյանը:
Հրապարակված պաշտոնական տվյալների համաձայն` ամենաբարձր մասնակցությունը՝ 57.18%, գրանցվել է թիվ 10 ընտրատարածքում, որն ընդգրկվում է Արագածոտնի մարզը, ամենացածրը՝ 46.61%՝ թիվ 4 ընտրատարածքում, որն ընդգրկում է Երևանի Կենտրոն, Նորք-Մարաշ, Էրեբունի և Նուբարաշեն համայնքները:
