ԵՐԵՎԱՆ, 2 ապրիլի — Sputnik. Արտերկրից ստացած էլեկտրոնային քվեարկության տվյալների համաձայն` գրանցված 877 անձանցից ընտրությանը մասնակցել է 740-ը։ Անվավեր է ճանաչվել 37 քվեաթերթիկ։
Ձայները բաշխվել են հետևյալ կերպ` ՀՀԿ` 529, Ծառուկյան ` 73, «Հայկական վերածնունդ»` 3, «Ելք»` 52, «Ազատ դեմոկրատներ» `6, «Կոնգրես-ՀԺԿ»` 2, ՀԿԿ` 3, ՕՐՕ` 17, ՀՅԴ` 25։
Էլեկտրոնային քվեարկությունը մեկնարկել էր մարտի 24-ին, Երևանի ժամանակով 08:00-ին, ավարտվել՝ մարտի 26-ին, ժամը 20:00-ին։
Էլեկտրոնային քվեարկությանը մասնակցելու իրավունք ունի 877 մարդ: Դրանք ՀՀ դիվանագիտական և հյուպատոսական ներկայացուցչությունների աշխատակիցներն են, օտարերկրյա պետություններում երկարատև ծառայողական գործուղման կամ ուսման մեջ գտնվող ծառայողները և նրանց հետ արտերկրում բնակվող ընտանիքի անդամները: Քվեարկության արդյունքները, ՀՀ ընտրական օրենսգրքի համաձայն, ամփոփվեցին ապրիլի 2-ի խորհրդարանական ընտրությունների ավարտից հետո:
