ԵՐԵՎԱՆ, 31 մարտի — Sputnik. Երևանի քաղաքապետարանի համապատասխան ստորաբաժանումները շարունակում են մայրաքաղաքում մուրացիկների հայտնաբերման, նրանց սոցիալական և այլ օգնություն ցուցաբերելու աշխատանքները, գրում է Երևանի քաղաքապետարանի կայք էջը։
Մարտի ընթացվում Երևանում հայտնաբերվել է մուրացկանությամբ զբաղվող 1 անձ, որը Շենգավիթ վարչական շրջանի աշխատակազմի ներկայացուցիչների կողմից տեղափոխվել է անօթևանների ժամանակավոր կացարան:
Երևույթը կանխարգելելու նպատակով նախկինում հայտնաբերված անձանց հետ վարչական շրջանների աշխատակազմերը տանում են բացատրական աշխատանքներ, նրանց տրամադրվում է սոցիալական աջակցություն:
Մարտ ամսվա ընթացքում անչափահաս նոր մուրացիկներ չեն հայտնաբերվել: Վարքային խնդիրներ ունեցող երեխաների կողմից մուրացիկության և թափառաշրջիկության երևույթները կանխարգելելու նպատակով պարբերաբար իրականցվում են այցեր հանրապետական հ.1 հատուկ կրթահամալիր:
