ԵՐԵՎԱՆ, 30 մարտի — Sputnik. Հայաստանի վարչապետ Կարեն Կարապետյանն ասում է՝ չի եղել մի դեպք, որ ընտրողների հետ հանդիպման ժամանակ ինքը կեղծած լինի:
«Անկեղծ ասած, չեմ կարող բացատրել իմ վարկանիշի բարձր լինելը։ Պարզապես կա մի կանոն, որով առաջնորդվել եմ իմ ամբողջ կյանքում։ Ես բիզնեսում էլ էի այդպես աշխատում. իսկապես առավելագույնս անկեղծ եմ», — ռուս լրագրողների հետ հանդիպման ժամանակ ասաց Կարապետյանը։
Նրա խոսքով՝ ամբողջ նախընտրական պայքարի ընթացքում չի եղել այնպիսի դեպք, որ ընտրողի հետ խոսակցության ժամանակ կեղծավորություն արած լինի կամ պատասխանի այն, ինչ ուզում է լսել ընտրողը:
«Թեև ես հասկանում էի, որ պատասխանը կարող է բացասական արձագանք ստանալ», — ասաց Կարապետյանը։
ՀՀ ԱԺ ընտրությունները նախատեսված են ապրիլի 2-ին: Ընտրություններին մասնակցում է ինը քաղաքական ուժ` հինգ կուսակցություն և չորս դաշինք` Հայաստանի Հանրապետական կուսակցությունը, Կոմունիստական կուսակցությունը, Հայ Յեղափոխական Դաշնակցությունը, «Ազատ դեմոկրատներ» կուսակցությունը, «Հայկական վերածնումդ» կուսակցությունը և «ԵԼՔ», «Հայ ազգային կոնգրես», «Օհանյան-Րաֆֆի-Օսկանյան», «Ծառուկյան» դաշինքները։ Հայաստանի խորհրդարանական ընտրությունները կկայանան ապրիլի 2 —ին։
