ԵՐԵՎԱՆ, 30 մարտի — Sputnik. ՀԱՊԿ անդամ երկրները պետք է ավելի նուրբ վերաբերվեն դաշնակցական հարաբերություններին, մամուլի ասուլիսի ժամանակ ասաց պաշտպանության նախարար Վիգեն Սարգսյանը:
Նրա խոսքով՝ ՀԱՊԿ-ը Հայաստանի անվտանգության կարևոր բաղկացուցիչն է, ինչը գրված է ռազմական ուսմունքի և երկրի ազգային անվտանգության ռազմավարության մեջ:
«Մենք այդ կազմակերպության հիմնադիր երկրներից ենք, և բնականաբար, գնահատում ենք նրա ներուժը: Կարծում ենք, որ այն մեծ ներուժ ունի», — ասաց Սարգսյանը:
Նախարարի խոսքով՝ Հայաստսանը օգտագործում է ՀԱՊԿ-ի հնարավորությունները գործընկեր երկրներում ռազմական բուհերի նախապատրաստման, ռամզատեխնիկական համագործակցության, ինչպես նաև ՀԱՊԿ-ի ներքին գներով անմիջապես արտադրողներից զինամթերք գնելու հարցերում:
Սակայն մեծ աշխատանք պետք է տարվի կազմակերպության շրջանակներում արտաքին քաղաքականության առանցքային հարցերում երկրի դիրքորոշումները համադրելու հարցում: Սարգսյանը նշեց, որ տարբեր կազմակերպությունների անդամներ կարող են հակառակ դիրքորոշումներ ունենալ, այդ թվում միմյանց վրա «գրոհել» այլ հարթակներում:
«Կարծում ենք, որ դա շատ է թուլացնում կազմակերպության դիրքերը, հատկապես, երբ ՀԱՊԿ անդամ երկրների քանակը փոքր է: Կարծում եմ, որ մենք պետք է աշխատենք այդ ուղղությամբ, մենք հետաքրքրված ենք նման երկխոսության ստեղծելու մեջ: Դաշնակցային գործընկերությանը պետք է նուրբ վերաբերվել և երկար աշխատել, պետք է սովորել կշռադատել և հավասարակշռություն պահպանել յուրաքանչյուր կոնկրետ դեպքում», — ասաց Սարգսյանը:
