ԵՐԵՎԱՆ, 29 մարտի — Sputnik. ՀՀ Նախագահ Սերժ Սարգսյանն այսօր աշխատանքային այցով մեկնել է Մալթայի Հանրապետություն։ Այս մասին հայտնում է ՀՀ նախագահի մամուլի ծառայությունը։
«Նախագահը Մալթայում կմասնակցի Եվրոպական ժողովրդական կուսակցության (ԵԺԿ) համագումարի նիստերին և գագաթնաժողովին»,- նշված է հաղորդագրության մեջ:
Գագաթնաժողովին հրավիրված են Եվրոպական միության և Արևելյան գործընկերության անդամ երկրներից ԵԺԿ-ին անդամակցող կուսակցությունները ներկայացնող պետությունների և կառավարությունների ղեկավարները:
