ԵՐԵՎԱՆ, 29 մարտի — Sputnik. ԵԱՀԿ Մինսկի խմբի համանախագահները հայտարարություն են տարածել Ադրբեջան, Հայաստան և Լեռնային Ղարաբաղի հանրապետություն կատարած այցելությունների արդյունքների համաձայն:
«ԵԱՀԿ Մինսկի խմբի համանախագահներ Իգոր Պոպովը (Ռուսաստան), Ստեֆան Վիսկոնտին (Ֆրանսիա), Ռիչարդ Հոգլանդը (Միացյալ Նահանգներ) ԵԱՀԿ գործող նախագահի անձնական ներկայացուցիչ Անջեյ Կասպշիկի հետ համատեղ այցելել են Բաքու (մարտի 11-ին), Երևան (մարտի 27-ին) և Լեռնային Ղարաբաղ (մարտի 28-ին): Համանախագահների՝ տարածաշրջան այցելության հիﬓական նպատակը շփման գծում և Հայաստան-Ադրբեջան սահմանին իրադրության մասին մանրամասն քաղաքական և ռազմական տեղեկություն ստանալն էր, 2016 թվականին Վիեննայի և Սանկտ Պետերբուրգի գագաթնաժողոﬖերի ժամանակ կայացված համաձայնությունների կիրառումը քննարկելը, ինչպես նաև կարգավորմանն ուղղված հաջորդ քայլերի արծարծումը:
Համանախագահները հանդիպել են Ադրբեջանի և Հայաստանի նախագահների ու արտգործնախարարների, ինչպես նաև Լեռնային Ղարաբաղի դե ֆակտո իշխանությունների հետ: Նրանք նաև այցելել են Լեռնային Ղարաբաղի շուրջը գտնվող տարածքներ: Հանդիպուﬓերում համանախագահները վերահաստատել են իրենց խորը մտահոգությունները` կապված շփման գծում տեղի ունեցած վերջին ﬕջադեպերի հետ` կոչ անելով կողﬔրին զսպվածություն ցուցաբերել իրենց հռետորաբանության մեջ և գործողություններում:
Նախագահները ներկայացրել են իրենց դիրքորոշուﬓերը համանախագահների առաջարկների առնչությամբ` կապված հրադադարի ամրապնդման և թշնամական գործողությունների հետագա էսկալացիայից խուսափելու համար, մասնավորապես, Նովրուզի և Զատկի տոների ընթացքում:
Նրանք հայտնել են իրենց հանձնառությունը` շարունակելու բանակցությունները քաղաքական լուծում գտնելու հարցում: Քննարկուﬓերում համանախագահներն արտահայտել են դեսպան Կասպշիկի առաքելությանն ու դրա ընդլայնմանը շարունակական աջակցություն ցուցաբերելու էական կարևորությունը:
Համանախագահները նաև շեշտել են իրենց համոզմունքը, որ հրադադարի հարգուﬓ ունի ծայրահեղ կարևորություն բանակցություններում վստահության մթնոլորտի կառուցման գործում: Համանախագահները շուտով կﬔկնեն Վիեննա՝ Մինսկի խմբի անդաﬓերին բանակցությունների արդյունքները ներկայացնելու համար»,-ասված է հայտարարության մեջ:
Русская версия
