ԵՐԵՎԱՆ, 28 մարտի — Sputnik. ՕՐՕ դաշինքի նախընտրական շտաբը հայտարարություններ է տարածում, որ մարզերից իրենց ահազանգում են, թե իբր ոստիկանությունը խոչընդոտում է դաշինքի համակիրներին՝ գալու մայրաքաղաք՝ հանրահավաքի:
«Հայտարարում ենք, որ ՕՐՕ դաշինքի այս պնդումներն էլ չեն համապատասխանում իրականությանը։ Ոստիկանությունը ուղևորափոխադրումներով չի զբաղվում»,- նշված է ոստիկանության մամուլի ծառայության հրապարակած հայտարարության մեջ:
Ոստիկանությունը կոչ է անում դաշինքի ներկայացուցիչներին՝ անհեթեթ հայտարարություններով ոստիկանությանը չվերագրել գործողություններ, որոնք իրականացնելու գործառույթ, նպատակ և անհրաժեշտություն համակարգը չունի:
