ԵՐԵՎԱՆ, 28 մարտի — Sputnik. Տեսնելով, որ հաղթելու ենք, իմ գործընկերները զանգահարեցին ու տեղեկացրեցին, որ պատրաստ են «Ծառուկյան» դաշինքի առաջնահերթ 15 կետերի լուծման համար ներդրումներ կատարել։ Մարտի 28-ին Կարեն Դեմիրճյանի անվան համերգասրահում ընտրողների հետ հանդիպման ժամանակ հայտարարեց Գագիկ Ծառուկյանը։
«Ես դեռ չեմ դիմել նրանց, բայց նրանք պատրաստակամ են 15 մլրդ դոլար ներդրում կատարել երկրում: Ես իրոք փշաքաղվել եմ: Դա գալիս է այն ճիշտ պահվածքից ու հարգանքից, որ ես ունեմ ու նաև այն վստահությունից, որ տեսել են ժողովրդի կողմից մեր հանդեպ»,- ասաց Ծառուկյանը։
Ծառուկյանի խոսքով` ինքը շատ ընկերներ ու գործընկերներ ունի աշխարհով մեկ և եթե դիմի, ապա ներդրումներն ավելի շատ կլինեն։
