ԵՐԵՎԱՆ, 27 մարտի — Sputnik. Թուրքիայում կրկին լրագրողներ են ձերբակալվել։ Ինչպես տեղեկացնում է ermenihaber.am-ը «DİHABER» լրատվականի թղթակիցներ Հայրի Դեմիրն ու Էմրահ Էրդողանը բերման են ենթարկվել: Նրանց կալանավորելու պահանջ է ներկայացվել:
Դատախազությունում անցկացված հարցաքննության ժամանակ լրագրողներին հարցեր են ուղղվել մասնավորապես Ռոժավայից հրապարակած լուրերի և սոցիալական հրապարակումների վերաբերյալ:
Լրագրողներ Դեմիրն ու Էրդողանը իրենց ցուցմունքում նշել են, որ Սիրիայում իրենց գործունեությունը, ներառյալ՝ սոցցանցերում թեմայի վերաբերյալ կատարված հրապարակումները, բացառապես լրագրողական բնույթ են կրել:
Հարցաքննությունից հետո լրագրողները դատախազությունից տեղափոխվել են դատարան՝ կալանավորման պահանջով:
