ԵՐԵՎԱՆ, 27 մարտի — Sputnik. Հայտնի ռեժիսոր Տիգրան Քյոսայանը եկել էր «Ты супер!» նախագիծ` իր հոր «Անորսալի վրիժառուները» ֆիլմից «Հետապնդում» երգը կատարող Եգոր Նովոժենինին սատարելու։
Եգոր Նովոժենինը, Կրասնոդարի երկրամասից, ընտրել էր Էդմոն Քյոսայանի «Անորսալի վրիժառուները» ֆիլմից «Հետապնդում» երգի կատարումը։ Նա բավական ինքնատիպ կատարեց երգը, սակայն դա բավարար չէր հաջորդ փուլ անցնելու համար։
Ժյուրիի անդամներից իր ձայնը Եգորին տվեց միայն Յոլկան, արդյունքում տղան չանցավ հաջորդ փուլ։ Սակայն ժյուրիի անդամները խորհուրդ տվեցին նրան չհուսահատվել, քանի որ ամեն ինչ առջևում է, և նրա ձայնը դեռ մուտացիայի կենթարկվի։
Մասնակցին հատուկ աջակցելու համար նկարահանումներին մասնակցող ռեժիսոր Տիգրան Քյոսայանը խորհուրդ տվեց Եգորին, չվատնել զգացմունքները «նման անիմաստ բաների վրա»։
«Սա ստից բան է։ Գիտես ռեժիսորի ամենամեծ երազանքը որն է, որ նրա ֆիլմերը հնարավորինս երկար ապրեն։ Ուզում եմ քեզ խորին շնորհակալություն հայտնել, որ դու ընտրել ես մի երգ այն ֆիլմից, որն այս տարի նշում է իր 50 ամյակը։ Հորս շատ հաճելի կլիներ լսել սա», — ասաց Քյոսայանը։
Նա նշեց, որ Եգորը նորմալ տղամարդ է և նրա մոտ ամեն ինչ դեռ առջևում է։ Ռեժիսորը խորհուրդ տվեց նման սին բաների համար չլացել։ «Քեզ մոտ ամեն ինչ լավ է։ Մի վհատվիր, չէ որ մենք դեռ կինոյում պետք է միասին աշխատենք», — կատակեց Քյոսայանը։
«Ты супер!» նախագիծը ՆՏՎ հեռուստաալիքի և Sputnik միջազգային տեղեկատվական գործակալության համատեղ նախագիծն է, որը հնարավորություն է տալիս ծնողական խնամքից զրկված տաղանդավոր երեխաներին՝ հայտնել իրենց մասին։ Մրցույթի 92 մասնակիցները Ռուսաստանից, Աբխազիայից, Ադրբեջանից, Հայաստանից, Բելառուսից, Վրաստանից, Ղազախստանից, Ղրղըզստանից, Մոլդովային, Ուկրաինայից, Էստոնիայից և Հարավային Կորեայից են։
Պատանի մասնակիցների հաջողություններին և հաղթանակներին, պատրաստվածությանը և էստրադային վարպետությանը ծանոթանալուն հետևել հնարավոր է Sputnik-ի կայքի հատուկ բաժիններում և սոցցանցերում։ Սոցցանցերի օգտատերերը կկարողանան նաև աջակցել շոուի մասնակիցներին` Անգելինային և Սաբինային, նրանց հաջողություն և հաղթանակ մաղթելով։ Ամենալավ բարեմաղթանքները Sputnik-ը կփոխանցի մասնակիցներին` հայրենիք վերադառնալուն պես։ Աղջիկների համար կարելի է քվեարկել ՆՏՎ-ի կայքում. Անգելինա, Սաբինա։
