ԵՐԵՎԱՆ, 27 մարտի — Sputnik. Ղազախստանի ֆուտբոլի հավաքականը դեռ Երևանում է: Այս մասին Sputnik Արմենիային հայտնեցին Երևանի «Զվարթնոց» օդանավակայանից:
Ինքնաթիռը, որով Ղազախստանի ֆուտբոլի հավաքականը պետք է Երևանից Աստանա մեկներ, անսարքության պատճառով չի կարողացել իրականացնել 00:30-ին նախանշված չվերթը և հարկադիր վայրէջք է կատարել Երևանում:
Արտակարգ վայրեջքի պատճառը, ինչպես Twitter-ի իր միկրոբլոգում գրել էր հավաքականի մամուլի քարտուղար Երբոլ Քաիրովը, շասսիի (գետնի վրա շարժվելու օդանավի հարմարանք) անսարքությունն է եղել:
Նախօրեին Երևանում կայացել է 2018-ի աշխարհի առաջնության նախընտրական խաղը, որում Ղազախստանը պարտվել է 2:0 հաշվով:
