Բաթումի «Սուրբ Փրկիչ» Հայ առաքելական եկեղեցու մասնակցությամբ վրացական զբոսաշրջային քաղաքում «Հայկական գաթայի» փառատոն անցկացվեց. փառատոնին մասնակցեցին քաղաքի հայ համայնքի ներկայացուցիչները: Բաթումի տասնյակ բնակիչներ տոնակատարության ժյուրիի և հյուրերի դատին հանձնեցին հայկական գաթայի շուրջ քառասուն տեսակ, հայտնում է Sputnik Գրուզիան:
Փառատոնի հաղթող ճանաչվեցին Դիանա Մխիթարյանն ու Անժելա Անտոնյանը: Նրանց պատրաստած գաթաներն ամենահամեղներն էին: Փառատոնի շրջանակներում անցկացված մրցույթի հաղթողներ Անժելան և Դիանան արժեքավոր նվերներ ստացան: Փառատոնի վերջում Բաթումի հայ համայնքը տոնական համերգ էր կազմակերպել:
