ԵՐԵՎԱՆ, 24 մարտի — Sputnik. Հայաստանից մեկնելուց առաջ պետք է երազանք պահել, և այն անպայման կիրականանա, ասաց վարչապետ Կարեն Կարապետյանը Երևանում Ռուսական Ռազմավարական նախաձեռնությունների գործակալության և առաջնորդների ակումբի անդամներին։
ՀՀ կառավարության Ռազմավարական նախաձեռնությունների կենտրոնի (ՌՆԿ) հրավերով մարտի 23-26-ը Հայաստանում են գտնվում ՌԴ Ռազմավարական նախաձեռնությունների գործակալության (ՌՆԳ) և ՌԴ Բիզնես նախաձեռնությունների աջակցության Առաջնորդների ակումբի ներկայացուցիչները։
«Ով առաջին անգամ է Հայաստան եկել, թող երազանք պահի. անպայման կիրականանա։ Կարծում եմ, որ Հայաստանն աստվածընտրյալ երկիր է, և մեր վարկածով` համաշխարհային քաղաքակրթությունը այստեղից է սկիզբ առնում», — ժպտալով ասաց վարչապետը, և նրա ասածը ստիպեց ժպտալ նաև հավաքվածներին։
Կարապետյանը հուսով է, որ ռուսական պատվիրակությունը Հայաստանից մեկնելուց հետո այստեղ վերադառնալու առիթներ է փնտրելու։
