ԵՐԵՎԱՆ, 24 մարտի — Sputnik. 2017թ. մարտի 23-ին` ժամը 18:30-ին, ահազանգ է ստացվել առ այն, որ Ալավերդի-Հաղպատ ավտոճանապարհի 3-րդ կմ-ում՝ Դեբեդ գետում, հայտնաբերվել է տղամարդու դիակ: Պարզվել է վերջինիս ինքնությունը, ով Ալավերդի քաղաքի բնակիչ է՝ ծնված 1973 թվականին։ Այս մասին հայտնում է ՀՀ քննչական կոմիտեի մամուլի ծառայությունը։
Նախնական տվյալներով՝ տղամարդը 2017թ. մարտի 23-ին` ժամը 17:00-ի սահմաններում, Ալավերդի քաղաքի Թումանյան փողոցի 59-րդ հասցեում գտնվող բանկի դիմացի պատի վրայից նետվել է Դեբեդ գետը:
Պարզվել է, որ տուժողը հաշվառված է եղել «Ալավերդի բժշկական կենտրոն» ՓԲԸ-ում՝ «Շիզոֆրենիա» ախտորոշմամբ, և ընդունել է հոգեմետ դեղորայք։
Տղամարդու մահվան պատճառները պարզելու համար նշանակվել է դատաբժշկական փորձաքննություն։
