ԵՐԵՎԱՆ, 23 մարտի — Sputnik. Ուժեղ ձնաբքի պատճառով Հայաստանի ուղղությամբ եկող բոլոր տրանսպորտային միջոցների համար սահմանված արգելքը չեղարկվել է մարդատար ավտոմեքենաների համար։ Այս մասին հայտնում է Վրաստանի տարածաշրջանային զարգացման և ենթակառուցվածքների նախարարության ավտոճանապարհային դեպարտամենտը։
Խոսքը Կոդա-Նինոցմինդա ավտոճանապարհային հատվածի բացման մասին է։
Բացի այդ, թեթև մարդատար ավտոմեքենաների համար ճանապարհը բաց է նաև Պարավանի-Նինոցմինդա 36 կմ հատվածում։ Գերատեսչությունից հայտնել են նաև, որ Նարդևան-Նինոցմինդա ավտոճանապարհային հատվածի 94-146 կմ-ում շարունակում են սահմանափակումներ գործել կցորդով և կիսակցորդով բեռնատար ավտոմեքենաների, ինչպես նաև ավելի քան 30 նստատեղ ունեցող ավտոբուսների համար։
