«Նախընտրական քարոզարշավի ընթացքում նման հայտարարություններ հնչեցնելը խոսում է այն մասին, որ տվյալ քաղաքական ուժը հաշտվել է պարտվելու մտքի հետ»,- ասում է Մելիքյանը։
Ըստ նրա` համապատասխան մարմինները կզբաղվեն նրանցով, ովքեր կփորձեն խախտել երկրի սահմանադրական կարգը, խժդժություններ կհրահրեն և անկայուն մթնոլորտ կձևավորեն։ Այդ մարմինները ցանկացած գործողության կգնան սահմանադրական կարգը պահպանելու համար ու կգործեն օրենքի շրջանակում։
«Իսկ օրենքը բավական խիստ է այս առումով»,- շեշտում Մելիքյանը։
Նշենք, որ Ազգային անվտանգության ծառայությունը հայտարարություն է տարածել, որի համաձայն` մաքսանենգ եղանակով ՀՀ «Իգլա» տեսակի զենիթահրթիռային համալիր տեղափոխելու փաստի առթիվ հարուցված քրեական գործի շրջանակներում այս պահին ձերբակալված են 3 անձ, որոնց թվում է նաև Արցախի պաշտպանության նախկին նախարար Սամվել Բաբայանը։
