ԵՐԵՎԱՆ, 22 մարտի — Sputnik. Հանրապետության տարածքում մարտի 23-ին Սյունիքում և Արցախում ժամանակ առ ժամանակ սպասվում են տեղումներ: Մարտի 24-27-ը սպասվում է առանց տեղումների եղանակ:
Քամին կլինի հարավ-արևմտյան` 3-8 մ/վ արագությամբ:
«Օդի ջերմաստիճանն աստիճանաբար կբարձրանա 5-6 աստիճանով»,– նշված է «Հիդրոմետ» ծառայության հրապարակած հաղորդագրության մեջ:
Երևան քաղաքում մարտի 23-27-ը սպասվում է առանց տեղումների եղանակ: Օդի ջերմաստիճանը մարտի 23-ի ցերեկը կկազմի +11+13, մարտի 24-ին` +12+14, մարտի 25-ին` +14+16, մարտի 26-ին` +16+18, մարտի 27-ին` +17+19 աստիճան։