Արամ Մանուկյան. ընտրությունները ապրիլի 2-ից ապրիլի 9-ը տեղափոխելու առաջարկի մասին
Նրա խոսքով` ընտրությունների օրը փոխելու հարցը օրակարգից դուրս չէր եկել։
«Փորձեցինք ստորագրություն հավաքելով ՍԴ դիմել, և, չնայած բոլորն ասում էին` այո ճիշտ է, պետք է փոխել, բայց 21 մարդ ստորագրեց, և 27 անհրաժեշտ քանակը չհավաքվեց։ Ապրիլի 2-ին`քառօրյա պատերազմում զոհված տղաների հիշատակի օրն ընտրություն անելն անշնորհքություն է»,-ասաց Արամ Մանուկյանը։
Մանուկյանի խոսքով ընտրությունների օրը փոխելը ևս մի պատճառ ունի. այդ քայլը, ըստ պատգամավորի, կկոտրի այս հակաընտրական, լարված մթնոլորտը։ Չէ՞ որ ամեն օր ընտրական թեմաներով դանակահարություններ են լինում Հայաստանի տարբեր մարզերում։
