Հրանտ Բագրատյան
«Ազատ Դեմոկրատներ» կուսակցության կողմից վարկանիշային կարգով առաջադրված Հրանտ Բագրատյանի նախընտրական հանդիպումներն ընտրողների հետ անցնում են ոչ թե բակային տարածքներում, այլ ավելի մտերմիկ միջավայրում: Այս մասին Sputnik Արմենիայի հարցին ի պատասխան ասել է Բագրատյանը:
«Դրանք փոքր հանդիպումներ են, զանգում, ինձ հրավիրում են, մարդիկ իրենց հուզող հարցերն են տալիս: Բակերում ընկած չեմ շրջում, նկարահանումներ էլ չեմ անում էդ թեմայով: Ամենափոքր հանդիպումը 12 հոգանոց է եղել, ամենամեծը՝ 60: 3-4 շենքի բնակիչներ են հավաքվում, գնում ենք մի որևէ տեղ, կամ սրճարանում, նստում խոսում ենք»,- ասաց Բագրատյանը:
Մինչև քարոզարշավի ավարտը Հրանտ Բագրատյանը ծրագրում է ևս 50 հանդիպում 4-րդ ընտրատարածքի ընտրողների հետ:
