ՀՀ նախագահ Սարգսյանը շրջայց է կատարել «Ալեքս տեքստիլ» ընկերության արտադրամասում, որի արտադրանքն արտահանվում է Ռուսաստանի Դաշնություն, լայն սպառում ունի նաև ներքին շուկայում:
Ընկերությունն իր գործունեությունը սկսել է 2015 թվականին և արդեն հասցրել է համագործակցության եզրեր գտնել հագուստ արտադրող հայտնի ապրանքանիշների հետ։
Սերժ Սարգսյանը մինչ այդ ներկա է եղել նոր ՋԷԿ-ի կառուցման հիմնարկեքի արարողությանը։ Էլեկտրակայանը կառուցվելու է Երևանի ՋԷԿ-ին հարող տարածքում: Ներդրումների ընդհանուր ծավալը կկազմի շուրջ 285 միլիոն դոլար: Շինարարության ընթացքում կստեղծվի 900 ժամանակավոր աշխատատեղ, իսկ շահագործման հանձնելուց հետո՝ 200 մշտական և բարձր վարձատրվող աշխատատեղ:
