ԵՐԵՎԱՆ, 19 մարտի — Sputnik. Թբիլիսիի միջազգային օդանավակայանում սեպտեմբերին ժամանման նոր տերմինալ կգործի ցանկացած տիպի 5 ինքնաթիռների կայանատեղիով: Այս մասին հայտնում է Sputnik Գրուզիան:
Նոր տերմինալի մակերեսը կկազմի 12 հազար քմ, այն համալրված կլինի 250 ավտոմեքենաների համար նախատեսված կայանատեղիով, վայրէջք կատարելու և ելքի երկու միջանցքներով, ինչպես նաև 105 մետրանոց ուղեբեռային կարուսելով:
Նոր տերմինալի շինարարությունը սկսվել է 2016 թվականի հունիսին և կավարտվի 2017 թվականի սեպտեմբերին: Նոր տերմինալի ծախսերը կկազմեն 33 մլն դոլար: Շինարարութայան ավարտից հետո Թբիլիսիի միջազգային օդանավակայանում կգործի ժամանման 5 միջանցք, և օդանավակայանը կսպասարկի տարեկան մինչև 5 մլն ուղևորի:
