ԵՐԵՎԱՆ, 19 մարտի — Sputnik. «Մանչեսթեր Յունայթեդի» և Հայաստանի ազգային հավաքականի կիսապաշտպան Հենրիխ Մխիթարյանի հրապարակած լուսանկարը միաժամանակ զարմանք և հիացմունք է առաջացրել սոցցանցում:
Երկրպագուներըը քննարկում են մարտի 18-ին մայրիկի` Մարինայի ծննդյան օրը Twitter-ում հրապարակած լուսանկարը:
«Մոր սերը աշխարհում ոչ մի բանի հետ համեմատել չես կարող: Ծնունդդ շնորհավոր, մայրիկ», — գրել է Մխիթարյանը լուսանկարի տակ:
A mother's love is like nothing else in the world. Happy Birthday Mom! pic.twitter.com/1QUUCt8USl
— Henrikh Mkhitaryan (@HenrikhMkh) March 18, 2017
Նրա էջի բաժանորդների արձագանքը չուշացավ. «Մի՞թե սա քո մայրն է»:
Շատերը ենթադրեցին, որ լուսանկարում ֆուտբոլիստի քույրն է:
«Երիտասարդ է, հավանաբար քույրդ է», — գրել էր օգտատերերից մեկը: Հենրիխ Մխիթարյանի մայրը` Մարինա Տաշյանը, 20 տարի է՝ աշխատում է Հայաստանի ֆուտբոլի ֆեդերացիայում, այժմ զբաղեցնում է հավաքական թիմերի բաժնի պետի պաշտոնը:
