ԵՐԵՎԱՆ, 19 մարտի — Sputnik. «Մանչեսթեր Յունայթեդ»- «Միդլսբրո» խաղում տարած հաղթանակից հետո ՄՅՈՒ-ն այժմ Անգլիական Պրեմիեր լիգայի 5-րդ հորիզոնականում է:
Խաղի 30-րդ րոպեին Մարուանա Ֆելաինին բացեց հաշիվը, իսկ 62-րդ րոպեին Ջեսսի Լինգարդը 2-րդ գնդակն ուղարկեց Վիկտոր Վալդեսի պաշտպանած դարպասը:
Տանտերերը 77-րդ րոպեին կրճատեցին հաշվի տարբերությունը. գոլի հեղինակ դարձավ Ռուդի Գաստեդը: Երրորդ գնդակը հակառակորդի դարպաս ուղարկեց Անտոնիո Վալենսիան:
Այսպիսով, մանկունյանցիները տոնեցին իրենց 600-րդ հաղթանակը ԱՊԼ-ում: ՄՅՈՒ-ն առաջին ակումբն է, որին հաջողվեց դա:
«Մանչեսթեր Յունայթեդի» կիսապաշտպան Հենրիխ Մխիթարյանն այս խաղում մնաց պահեստայինների նստարանին:
🎉 Congratulations to @ManUtd, who have made history by becoming the first side to record 600 #PL wins! #MIDMUN pic.twitter.com/rVUqahd8b2
— Premier League (@premierleague) March 19, 2017
