ԵՐԵՎԱՆ, 18 մարտի — Sputnik. Հայտնի երգչուհի Շերը «Խոստում» ֆիլմի վերաբերյալ գրառում է կատարել թվիթերյան իր միկրոբլոգում:
«Այս ֆիլմը կոտրեց իմ սիրտը, ոչ միայն հայերի, այլ նաև բոլոր այն մարդկանց համար, ովքեր տառապել են և կորցրել իրենց սիրելիներին»,-գրել է Շերը:
This film broke my heart, & NOT JUST 4 ARMENIANS, BUT 4 ALL PPL WHO'VE SUFFERED & LOST 💖'ED ONES. We're All beautiful 🌺 We look best in a 💐
— Cher (@cher) March 16, 2017
Գրառումից հետո երգչուհին հրապարակել է նաև ֆիլմի պաստառը:
Debut of the poster @esrailian ~ See @ThePromiseFilm on April 21 and watch the trailer https://t.co/6F8dKe1zaP pic.twitter.com/3KVL2HGA2g
— Cher (@cher) March 16, 2017
Հիշեցնենք, որ երգչուհին «Խոստում» ֆիլմի վերաբերյալ մեկ այլ գրառում էլ հրապարակել էր անցած տարվա աշնանը:
«Այս գիշեր դիտեցի «Խոստումը» ֆիլմը: Ճշմարիտ պատմություն այն մասին, թե 1915 թվականին թուրքերն ինչպես կոտորեցին 1.5 միլիոն հայի: Էրդողան փաշա… այլևս երբեք»,- գրել էր Շերը:
Քըրք Քըրքորյանի հովանավորությամբ նկարահանված ֆիլմի ստեղծման գործում պրոֆեսիոնալ թիմ է աշխատել։ Ֆիլմի ռեժիսոր օսկարակիր Թերի Ջորջը ընտրել է տաղանդավոր և իրենց գործում հմուտ դերասանների՝ Քրիստիան Բեյլ, Օսկար Այզեկ, Շառլոտա Լե Բոն, Անժելա Սարաֆյան, Ջեյմս Քրոմվել եւ ուրիշներ, իսկ կինոնկարի սաունդթրեքը գրել է աշխարհահռչակ հայ երաժիշտ Սերժ Թանկյանը։
Ֆիլմի հիմքում սիրո պատմություն է, որի դեպքերը զարգանում են Հայոց ցեղասպանության տարիներին։
.jpg){kind=link}