ԵՐԵՎԱՆ, 16 մարտի, Sputnik-ի մամուլի ծառայություն. — Գերմանացիների և իտալացիների մեկ երրորդից ավելին, համապատասխանաբար` 36%-ը և 34%-ը, Ղրիմը համարում են Ռուսաստանի մաս, ցույց են տվել Sputnik.Կարծիք հարցման արդյունքները: Այդպես է մտածում բրիտանացիների (26%) և ամերիկացիների (23%) մեկ քառորդը և հարցված ֆրանսիացիների մեկ հինգերորդը (20%): Հարցումն անցկացրել է TNS Global ընկերությունը՝ Sputnik տեղեկատվական գործակալության և ռադիոյի համար:
Ընդհանուր առմամբ` հարցվածների թիվը, որոնք համոզված են՝ Ղրիմը պատկանում է Ռուսաստանին, մոտավորապես հավասար է հակառակ կարծիք ունեցողների թվին։ Եվ միայն Ֆրանսիայում ավելի շատ են նրանք, ովքեր թերակղզին ռուսական տարածք չեն համարում:
Գերմանացիները՝ հիմնականում 25–34 տարեկան երիտասարդները, մյուսներից ավելի շատ են Ղրիմն անվանել ռուսական տարածք: Ֆրանսիայում այդ կարծիքին են առավելապես ավագ սերնդի ներկայացուցիչները. այդպես է արտահայտվել 55–64 տարեկան տարիքային խմբի հարցվածների մեկ երրորդը:
Միաժամանակ, ամերիկացիների 51%-ը, ֆրանսիացիների 48%-ը, բրիտանացիների 44%-ը, իտալացիների 34%-ը և գերմանացիների 23%-ը դժվարացել են որոշել Ղրիմի պատկանելությունը:
Հարցումն անցկացրել է հասարակական կարծիքի ուսումնասիրման ամենամեծ միջազգային հետազոտական ընկերություններից մեկը՝ TNS Global-ը, 2017թ-ի փետրվարի 16-22-ը: Հարցմանը մասնակցել են 5132 մարդ Ֆրանսիայից, Գերմանիայից, Մեծ Բրիտանիայից, Իտալիայից և ԱՄՆ-ից:
Հասարակական կարծիքի ուսումնասիրման միջազգային նախագիծը մեկնարկել է 2015 թվականի հունվարին։ Գործընկերն են Populus, Ifop և Forsa հայտնի հետազոտական ընկերությունները: Sputnik.Կարծիք նախագծի շրջանակում կանոնավոր կերպով հասարակական կարծիքի հարցումներ են անցկացվում Եվրոպայի և ԱՄՆ-ի երկրներում առավել արդիական սոցիալական և քաղաքական հարցերի վերաբերյալ։
Sputnik.Կարծիք նախագծի շրջանակում պարբերաբար հարցումներ են անցկացվում Եվրոպայի և ԱՄՆ-ի երկրներում առավել արդիական սոցիալական և քաղաքական հարցերի վերաբերյալ։
Sputnik Արմենիան գործունեությունը սկսել է 2015 թվականին և Sputnik միջազգային նախագծի մի մասնիկն է կազմում։ Sputnik-ը (sputniknews.com) լրատվական գործակալություն և ռադիո է ` տասնյակ երկրներում մուլտիմեդիոն տեղեկատվական ներկայացուցչություններով: Sputnik-ը ներառում է ավելի քան 30 լեզվով կայքեր, անալոգային և թվային ռադիոհեռարձակում, բջջային հավելվածներ և էջեր սոցիալական կայքերում։ Sputnik-ի լուրերը շուրջօրյա ռեժիմով թողարկվում են անգլերեն, արաբերեն, իսպաներեն և չինարեն:
