Սուրեն Կարայան
Ուղղակի ներդրումների ռուսական հիմնադրամի և Հայաստանի «ՓՄՁ ներդրումներ» ունիվերսալ վարկային կազմակերպության մասնակցությամբ հայ-ռուսական ներդրումային հիմնադրամ ստեղծելու մասին համաձայնագիրը մարտի 15-ին ստորագրվեց ՀՀ նախագահ Սերժ Սարգսյանի` Ռուսաստան կատարած այցի շրջանակում: Համատեղ հիմնադրամի նախնական կապիտալը կազմելու է 100 մլն դոլար, որից 50 մլն-ը տրամադրելու է Հայաստանը, 50-ը՝ Ռուսաստանը:
Լրագրողները Սուրեն Կարայանից հետաքրքրվեցին նաև, թե երբ կհայտարարվեն Կարեն Կարապետյանին աջակցություն հայտնած ռուսաստանաբնակ հայ գործարարների բիզնես ծրագրերն ու անունները: Նախարարը խորհուրդ տվեց սպասել մինչև մարտի վերջ:
«Նրանք կգան Հայաստան և հայտարարություն կանեն»,- ասաց Կարայանը՝ չցանկանալով բացահայտել գործարարների ով լինելն ու գործունեության ոլորտները:
