ԵՐԵՎԱՆ, 16 մարտի — Sputnik. Այսօր` մարտի 16-ին, հայտնի դարձավ, որ «Հաց բերող» Արթուր Սարգսյանը մահացել է։ Երևանում ցուցարարները բողոքի երթ են կազմակերպել` ի հիշատակ «Հաց բերողի»։
Նշենք, որ Արթուր Սարգսյանը մահացել է «Արմենիա» բժշկական կենտրոնում։
Նա հիվանդանոց էր տեղափոխվել մարտի 6-ին։ Մինչ այդ գտնվում էր Դատապարտյալների հիվանդանոցում։ Մի քանի օր առաջ նա ինքնակամ լքել էր հիվանդանոցը, սակայն երեկ սուր ցավերով տեղափոխվել է հիվանդանոց, որտեղ նրան վիրահատել են։ Սակայն նա վիրահատությունից հետո այդպես էլ գիտակցության չի եկել։
«Արմենիա» ԲԿ-ի փոխտնօրեն Արսեն Գրիգորյանը հայտնել է, որ Արթուր Սարգսյանը մարտի 15-ին դիմել է «Արմենիա» բժշկական կենտրոն պորտային օղակված ճողվածքի բարդությամբ։ Նա մի քանի օր առաջ տանը սուր ցավեր է ունեցել, սակայն անտեսել է կամ բարդության աստիճանը չի գիտակցել, իսկ այդ աղիքային անանցանելիությունը, բժշկի խոսքով, բերում է անդառնալի խնդիրների:
Արթուր Սարգսյանը կալանավորվել էր «Սասնա ծռեր» զինված խմբի գործով. նա սննդով բեռնված իր մեքենայով ճեղքել էր իրավապահների պատնեշն ու կրակահերթի տակ մուտք գործել «Սասնա ծռեր» զինված խմբի կողմից գրավված Ոստիկանության պարեկապահակային ծառայության (ՊՊԾ) գնդի տարածք: Նա մեղադրվում էր «Սասնա ծռերին» օժանդակելու մեջ։
Դեկտեմբերի վերջին դատարանը փոխել էր կալանքի որոշումն ու նրան ազատ արձակել։ Մի քանի ամիս անց փետրվարի 9-ին դատարանը կրկին փոխել էր խափանման միջոցն ու երկու ամսով կալանավորել նրան։
Արթուր Սարգսյանը 49 տարեկան էր, մասնագիտությամբ` քանդակագործ, փայտի փորագրող:
![Ի հիշատակ «Հաց բերողի». ցուցարարները երթի են դուրս եկել Երևանում Ի հիշատակ «Հաց բերողի». ցուցարարները երթի են դուրս եկել Երևանում - Sputnik Արմենիա](https://cdn.am.sputniknews.ru/img/671/96/6719690_0:59:1600:1065_600x0_80_0_0_421ce8b4a7a4b9bb529577ab2aa5bcf4.jpg)
![Ի հիշատակ «Հաց բերողի». ցուցարարները երթի են դուրս եկել Երևանում Ի հիշատակ «Հաց բերողի». ցուցարարները երթի են դուրս եկել Երևանում - Sputnik Արմենիա](https://cdn.am.sputniknews.ru/img/671/98/6719862_0:59:1599:1065_600x0_80_0_0_144d9796229b395127f1deeaadb76638.jpg)
![Ի հիշատակ «Հաց բերողի». ցուցարարները երթի են դուրս եկել Երևանում Ի հիշատակ «Հաց բերողի». ցուցարարները երթի են դուրս եկել Երևանում - Sputnik Արմենիա](https://cdn.am.sputniknews.ru/img/671/98/6719804_0:59:1600:1065_600x0_80_0_0_5979a29b1c91c62609b0cbb2f5d580f3.jpg)
![Ի հիշատակ «Հաց բերողի». ցուցարարները երթի են դուրս եկել Երևանում Ի հիշատակ «Հաց բերողի». ցուցարարները երթի են դուրս եկել Երևանում - Sputnik Արմենիա](https://cdn.am.sputniknews.ru/img/671/97/6719747_0:59:1599:1065_600x0_80_0_0_44001aee0d0c2d2bd9e11578fbfbaa67.jpg)
![Ի հիշատակ «Հաց բերողի». ցուցարարները երթի են դուրս եկել Երևանում Ի հիշատակ «Հաց բերողի». ցուցարարները երթի են դուրս եկել Երևանում - Sputnik Արմենիա](https://cdn.am.sputniknews.ru/img/671/96/6719601_0:59:1600:1065_600x0_80_0_0_96592b9cbcfdb26481b75d7b49bd7eeb.jpg)
![Ի հիշատակ «Հաց բերողի». ցուցարարները երթի են դուրս եկել Երևանում Ի հիշատակ «Հաց բերողի». ցուցարարները երթի են դուրս եկել Երևանում - Sputnik Արմենիա](https://cdn.am.sputniknews.ru/img/671/95/6719544_0:0:1599:1005_600x0_80_0_0_e8f2a958053f4721dfc33e1ec40ff9ef.jpg)
![Ի հիշատակ «Հաց բերողի». ցուցարարները երթի են դուրս եկել Երևանում Ի հիշատակ «Հաց բերողի». ցուցարարները երթի են դուրս եկել Երևանում - Sputnik Արմենիա](https://cdn.am.sputniknews.ru/img/671/94/6719487_0:29:1600:1035_600x0_80_0_0_db56b23a07299254f01b0259fc425afe.jpg)
![Ի հիշատակ «Հաց բերողի». ցուցարարները երթի են դուրս եկել Երևանում Ի հիշատակ «Հաց բերողի». ցուցարարները երթի են դուրս եկել Երևանում - Sputnik Արմենիա](https://cdn.am.sputniknews.ru/img/671/93/6719386_0:25:1599:1031_600x0_80_0_0_8b56bb40e83e1184a6d3003bd971b6b9.jpg)