ԵՐԵՎԱՆ, 15 մարտի — Sputnik. Չժենչժոու քաղաքում հնագետները բրգաձև կառույց են հայտնաբերել, որի մոտ մեկ այլ կառույց է եղել։ Մինչ այդ տվյալ տարածքում գյուղ է եղել, բայց հետո տները քանդել են։ Պեղումները տևել են ավելի քան մեկ ամիս։
Կառույցները 30 մ երկարություն ու 8 մ լայնություն ունեն։ Տեղական լրատվամիջոցները գտածոն համեմատել են եգիպտական բուրգերի հետ, բայց այն շատ ավելի փոքր է, մարդու հասակից ցածր։
Գիտնականները մտադիր են պարզել դամբարանի տարիքը, ում է այն պատկանում և ինչով է պայմանավորված դրա ձևը։ Փորձագետները նշում են, որ նման կառույցները բնորոշ չեն Չինաստանին։
Հենանի Մշակութային մասունքների բյուրոն էլ վստահեցնում է, որ այդպիսի դամբարանները հայտնվել են մ.թ.ա. 206-220 թվականներին, Հան դինաստիայի կառավարումից հետո։