ԵՐԵՎԱՆ, 15 մարտի — Sputnik, Անի Լիպարիտյան. 2017 թ.-ին Սպառողների իրավունքների պաշտպանության համաշխարհային օրը կանցկացվի «Սպառողների իրավունքները թվային դարաշրջանում» նշանաբանով, չորեքշաբթի լրագրողներին է ասել Հայաստանի Սպառողների ազգային ասոցիացիայի ղեկավար Մելիտա Հակոբյանը: Հայաստանի տարածքում գործում է «Սպառողների իրավունքների պաշտպանության» օրենքը:
«Հայկական իրավունքներ»
Սա, ըստ Մելիտա Հակոբյանի, ենթադրում է անվտանգության բարձր մակարդակի ապահովում։ Այն իր մեջ 8 կետ է ամփոփում. ապրանքների և ծառայությունների մասին տեղեկատվություն ստանալու իրավունք, ապրանքների և ծառայությունների անվտանգության իրավունք, ապրանքների և ծառայությունների ընտրելու իրավունք, պաշտպանության իրավունք, հատուցում ստանալու իրավունք, հիմնական սպառողների բավարարման իրավունք, սպառողական կրթության իրավունք, առողջ միջավայրի իրավունք:
«Հատուցում ստանալու պահանջով Հայաստանում հետևյալ պատկերն է. մենք տարեկան ստանում ենք մոտ 1200 դիմում: Հաճախ ենք օգնում սպառողներին, աջակցում ենք գրեթե բոլորին», — ասաց Հակոբյանը: Նրա տվյալներով` շատ սպառողներ դեռևս ծուլանում են փոխել խանութում ժամկետանց ապրանքը և, առավել ևս, դիմել ասոցիացիային: Ինչ վերաբերում է սպառողական կրթության իրավունքին, ապա ասոցիացիան առաջին տարին չէ որ կոչ է անում իշխանություններին ներդնել դպրոցական ծրագրերում սպառողների իրավունքների հիմունքներին ուսուցանող նոր առարկա:
Կյանքը ցանցում
Տարեցտարի ավելանում է այն քաղաքացիների թիվը, ովքեր գնումներ կատարելիս դիմում են օնլայն ծառայություններին` ուտեստների պատվեր, տաքսի, առցանց գնումներ և այլն։
Տեղեկատվական անվտանգության փորձագետ Սամվել Մարտիրոսյանը Sputnik Արմենիային տված հարցազրույցում նշել է, որ առցանց առևտրային հարթակների հաճախելիությունն աճում է արագ տեմպերով:
«Բացի այդ, մի քանի միջնորդ ընկերությունների բացումը, որոնք նպաստում են արտասահմանից գնումների կատարմանը, հանգեցրել է առցանց առևտրի պայթյունային աճին», — ասել է նա:
Մարտիրոսյանի խոսքով` վերջին տարիներին սննդի օնլայն պատվերները ևս հիթ են դարձել Հայաստանի բնակիչների շրջանում: Այս ծառայության ժողովրդականությունը հասել է այնպիսի մակարդակի, որ որոշ հայկական ընկերությունների մասնաճյուղեր են բացվել Մինսկում եւ Թբիլիսիում:
Մի քանի խորհուրդ
Փորձագետները խորհուրդ են տալիս ուշադիր լինել խանութներում և ցանցում գնումներ կատարելիս: Նախ, պետք է համոզվել, որ վաճառողը տրամադրում է կտրոնը: Երկրորդը, համոզվեք, որ դուք «ճիշտ» խանութում եք, ստուգեք ամեն մանրուք: Եթե բրենդային ապրանքը վաճառվում է ցածր գնով, ապա դա կարող է լինել կեղծիք, չմաքսազերծված ապրանք:
Եթե դուք որոշել է կատարել գնումը դեբետային կամ վարկային քարտով և մերժում եք ստացել, ապա ահազանգեք, հավանաբար, վաճառողը չունի բանկային հաշիվ, կամ ընկերությունը գրանցված չէ: Օնլայն գնումներ ժամանակ պետք է զգույշ լինել գումար փոխանցելիս: Համոզվեք, որ ապրանքը կամ ծառայությունները մատուցվում են գրանված վաճառակետի կողմից:
