ԵՐԵՎԱՆ, 13 մարտի — Sputnik. Նախնական տվյալներով` 2017 թվականի մարտի 13-ին, ժամը 18-ի սահմաններում, առերևույթ հանցագործություն կատարած անձը պայթյունի և հանրավտանգ եղանակով վնասել է Վանաձոր քաղաքի Տ.Մեծի 77 շենքի շքամուտքը և դրան հարակից «Կոկետ» գեղեցկության սրահի ապակիները ու մուտքի դռները: Այս մասին տեղեկացնում է ՀՀ քննչական կոմիտեն։
Դեպքի առթիվ 2017 թվականի մարտի 13-ին ՀՀ քննչական կոմիտեի Լոռու մարզային քննչական վարչությունում հարուցվել է քրեական գործ` ՀՀ քրեական օրենսգրքի 185-րդ հոդվածի 2-րդ մասի 1-ին կետով:
Կատարվել է դեպքի վայրի զննություն, նշանակվել են մի շարք փորձաքննություններ: Իրականացվում են անհրաժեշտ քննչական եւ դատավարական այլ գործողություններ` առերեւույթ հանցագործություն կատարած անձի ինքնությունը պարզելու ուղղությամբ:
Քրեական գործ` բնակելի շենքի շքամուտքում տեղի ունեցած պայթյունի առթիվ
12:34 14.03.2017 (Թարմացված է: 12:40 14.03.2017)
© Photo : official site of the President of RA
Բաժանորդագրվել
ՀՀ քննչական կոմիտեի Լոռու մարզային քննչական վարչությունում հարուցվել է քրեական գործ`բնակելի շենքի շքամուտքում տեղի ունեցած պայթյունի դեպքի առթիվ:
