ԵՐԵՎԱՆ, 14 մարտի — Sputnik. «Աերոֆլոտ» խմբի կազմում ընդգրկված «Ռոսիա» ավիաընկերությունը նախօրեին դադարեցրել էր Սանկտ Պետերբուրգից Երևան չվերթի տոմսերի վաճառքը։
««Ռոսիա» ավիաընկերությունը ժամանակավորապես դադարեցրել է Սանկտ Պետերբուրգից Երևան թռիչքները։ Սակայն Սոչի–Երևան չվերթը, որն իրականացվում է շաբաթական մեկ անգամ, կշարունակի գործել»,- Sputnik Արմենիայի թղթակցի հետ զրույցում ասաց Հայաստանի Քաղաքացիական ավիացիայի գլխավոր վարչության մամուլի քարտուղար Սաթենիկ Հովհաննիսյանը։
Ռուսաստանի հյուսիսային մայրաքաղաքից դեպի Երևան չվերթերը դադարեցնելու հիմնական պատճառը եղել է այն, որ օդանավերը կիսադատարկ են մեկնել Երևան։
Թռիչքները հավանաբար կվերագործարկվեն ապրիլի 16-ից։
