ԵՐԵՎԱՆ, 13 մարտի — Sputnik. Շուրջ մեկ տասնյակ քաղաքացիներ հավաքվել են Սամսունի կենտրոնում, երգել Թուրքիայի հիմնը և հանդիսավոր կերպով վառել «Հոլանդիայի դրոշը»: Սակայն, նկարներից և տեսանյութից պարզ է դառնում, որ ցուցարարները շփոթել են գույներով իրար նման Հոլանդիայի և Ֆրանսիայի դրոշները (երկու դրոշներում էլ առկա են կարմիր, սպիտակ և կապույտ գույները): Այս մասին տեղեկացնում է ermenihaber.am-ը։
Հիշեցնենք, որ Հոլանդիայի իշխանությունները թույլ չէին տվել, որ Թուրքիայի արտաքին գործերի նախարար Մևլութ Չավուշօղլուի օդանավը վայրէջք կատարի երկրի տարածքում, որտեղ սահմանադրական հանրաքվեի քարոզչության շրջանակներում նախատեսվում էր նախարարի հանդիպումը թուրքական համայնքի հետ:
Հիշեցնենք, որ նմանատիպ դեպք գրանցվել էր նաև 2014 թվականի ապրիլի 25-ին Իգդիրում, երբ մի խումբ թուրքեր Հայաստանի դեմ ցույցի ժամանակ հայկական եռագույնի փոխարեն այրել էին Կոլումբիայի դրոշը:
