ԵՐԵՎԱՆ, 13 մարտի — Sputnik. Այս տարի Ուկրաինայում անցկացվող «Եվրատեսիլ» մրցույթում Ռուսաստանի անունից հանդես կգա Յուլիա Սամոյլովան։
Տաղանդավոր երգչուհին, որը հաշմանդամություն ունի և երգում է անվասայլակին գամված, Կիևում կկատարի «Flame Is Burning» (Բոցն այրվում է) երգը:
Ըստ վիճակահանության արդյունքների՝ Ռուսաստանը հանդես կգա մրցույթի 2-րդ կիսաեզրափակչում, որը տեղի կունենա մայիսի 11-ին Ուկրաինայի մայրաքաղաքում:
Մի շարք մրցույթների մասնակցած Սամոյլովան ԶԼՄ-ների հետ զրույցում նշել է, որ «Եվրատեսիլին» մասնակցելն իր վաղեմի երազանքն է եղել։
