ԵՐԵՎԱՆ, 13 մարտի — Sputnik. Թղթակից Ալեքսեյ Բարանովի պատրաստած ռեպորտաժի գլխավոր հերոսները Հալեպի հայկական թաղամասի բնակիչներն են:
Հալեպահայերը թղթակցին պատմել են, թե ինչպես են ապրել պատերազմի ընթացքում ու քաղաքն ազատագրելուց հետո: Գործարար Հարություն Կարագուլյանի խոսքով` Հալեպի հայ բնակիչբների թիվն օրեցօր աճում է: Սուրբ Գևորգ եկեղեցու վանահայր Տեր Հուսիկն էլ պատմել է, որ եկեղեցում ապաստան են գտել ոչ միայն քրիստոնյաները, այլև` մուսուլմանները:
«Մենք մի ազգ ենք և միասին ենք վերապրել այդ աղետը, հիմա ավելի հեշտ է»,- ասել է հոգևորականը:
Հալեպի ուսումնական հաստատությունները նույնպես փորձում են հաղթահարել պատերազմի հետևանքները: 1930 թվականին կառուցված հայկական դպրոցում վերսկսվել են դասընթացները: Հայկական դպրոցի շքադահլիճը վատ է լուսավորված, սակայն դա չի խանգարում, որ հայ մանուկներն այնտեղ երգեն «Հաղթանակի օր» ստեղծագործությունը:
