Վաղ առավոտից Բաթումում սկսել են վերականգնողական աշխատանքներ իրականացնել։ Հաշված ժամերի ընթացքում վերացրել են աղբն ու կեղտը, այնուհետև վարպետները սկսել են վերականգնել դեկորատիվ սալիկներն ու մետաղյա պատնեշները։ Այս մասին հայտնում է Sputnik Գրուզիան։
Քաղաքում իրավիճակը սրվել էր շաբաթ օրը, երբ ոստիկաները տուգանել էին մեքենան սխալ կայանած վարորդին։ Վեճը վերածվել էր քաշքշուկի, և քաղաքի փողոցներ էին դուրս եկել հարյուրավոր մարդիկ` պահանջելով ոստիկանապետի հրաժարականը։ Բողոքի ցույցը վերածվել էր անկարգությունների, և իրավիճակը կարգավորվել էր միայն այն ժամանակ, երբ միջամտել էր ոստիկանության հատուկ ջոկատը։
